Нооруз майрамына карата иш-чара

Нооруз майрамына карата мектептин мугалимдери 19-марттан 20-мартка караган түнү сүмөлөк бышыруу менен алек болушту.

Ал эми 20-март күнү эртең менен мектеп жамааты Ноорузга карата майрамдык иш-чара уюштурду. Иш-чарага Бишкек шаарынын Биринчи май райондук билим берүү борборунун башчысы Абдыкеримова Алия Алмазбековна, №16 МАБ башчысы Мусуркулов Талант Чойбекович жана башкалар конок болушту. Жагымдуу маанай тартуулап, төкмө акын Калыбек Турганов, ырчы Алия Акылбекова жана “Мейкин” тобу ырдап беришсе, мектептин бийчи кыздары бий тартуулашты.

Иш-чарадан кийин коноктор менен бирге баарыбыз сүмөлөктөн ооз тийдик.